Kote Olaizaola bisitatzean, partidua galtzeaz gain, jokoan ez du asmatu eta norabiderik gabe ibili da Universitario Bilbao.
Lehen minutuetan, bizkaitarrak nagusitu ziren, jokoaren zama eramanez, baina saririk lortu gabe.
Pixkanaka, etxekoek beren lurretara eraman zuten talka, eta Bilboko defentsa-lerroa apurtzea lortu zuten. Hala, 21. minutuan, partiduko lehen puntuak lortu zituzten, Bayónen entsegu baten ondoren.
Bera Bera markagailuan nagusi zen arren, zelaian berdintasuna nabaria zen. Hala ere, esku-jokoan egindako akatsek eta galdutako baloiek aukera eman zieten donostiarrei nagusitasuna bereganatzeko, eta beste entsegu bat egiten zuten, zuri-gorriak jota utzi zituena.
Fede Sánchezen jokalariek ez zuen lortzen arreta biltzea, eta lurra uzten zieten etxekoei. Egoera horretaz baliatuz, 19-0 emaitzarekin itxi zuten lehen aldia.
Bigarren aldian, talde bisitaria hobetu egin zen, eta, melén egindako bultzadari esker, gero eta arrisku handiagoz iritsi zen aurkariaren marka-lerrora. Horrela, puntu batzuk eskuratu zituzten, eta egoera zertxobait argitu zen.
Baina beste deskonexio baten ondorioz, Bera Berak agintea eskuratu zuen berriz.
Lehenengo berrogei minutuetan bezala, erasoan eta batez ere defentsan egindako akatsen ondorioz, gipuzkoarrek erabat hautsi zuten talka.
Gorka Buenok ondo asmatu zuen erasoan azken hogei minutuetan, eta, horri esker, garaipena lortu zuten, 31-5 emaitzarekin. Horrek taulako egoera estutu, eta tentsioa areagotu du azken jardunaldietan.
Gure jokalariak, Gogi Bazanovek, Ohorezko B Mailan lehen minutuak jokatu ditu.
AVK Bera Bera R.T. 31 Vs Universitario Bilbao Rugby 5.
20. Jardunaldia. Ohorezko B Maila -”A Multzoa” / Donostia – Otsailak 29.
Gora UBR!!