Universitario Bilbao Rugby taldearen garaipena Bera Beraren aurka. Etxeko jokalariak jokoan nagusitu ziren partidan, eta, gainera, aurkaria estutu, eta puntuak eskuratzea lortu zuten.
Lehen zatian, berdintasuna izan zen nagusi partidan, baina etxekoek norgehiagokaren jabe egitea lortu zuten, batetik, aurrelariaren lanari esker, eta, bestetik, esku-jokoan egindako lan onari esker, behin baino gehiagotan hurbildu baitziren aurkariaren marka-lerrora.
Uni Bilbaok markatzen zituen denborak zelaian, baina Bera Berak ez zuen lehian amore ematen. Hala, lehen zatiko azken minutuetan, entsegu bat lortu zuen, bai eta atsedenaldira 10-7 puntuazioarekin iristea lortu ere, bigarren zatirako dena zabalik uzten zuen emaitza.
Lehen berrogei minutuetan, partida menderatuta ere, etxekoek ez zuten lortu aurkariarengandik aldentzea; bigarren aldian, berriz, agintea argi eta garbi hartu ahal izan zuten.
Jokoaren fase desberdinetan nagusitu ziren, eta, hala, puntuak lortu zituzten azkenik partida irabazi ahal izateko.
Gipuzkoarrak, saiatzen ari ziren arren, ezinean ari ziren etxekoen defentsak egin zuen lan onaren aurrean. Hala geratu zen agerian etxekoen azken puntuan: jokalari batek zelai erdian obalatua lapurtu, eta lasterketa handia egin ondoren, azken entsegua lortu zuen, markagailuan azaldu eta partidari amaiera eman ziona.
GORA UBR!!
(Argazkiak: Alfredo Montaña)