Emakumezko senior taldea Estatuko errugbiko zilarrezko mailara igoko da bere historian lehen aldiz. Ohorezko B Mailara igotzeko finala Camp Municipal de Rugbi La Foixardan (Bartzelona) jokatu zen Barcelona Universitari Club (BUC) taldearen aurka. Gure taldeak nagusitasunez irabazi zuen finala, 0-66ko emaitzarekin.
Horrez gain, joan den larunbatean Euskadiko txapeldun izendatu zen Gasteizen jokatu zen Euskal Ligako finalean, Euskadiko Errugbi Federazioak antolatutako finalen baitan. Gure neskek 14-52 irabazi zioten Gaztedi RT taldeari.
Denboraldi hau aurrekaririk gabeko lorpen batekin amaitzen da zortzi urteko lanaren ondoren: Ohora Maila B-ra igoera preziatua lortzea, denboraldi osoan galdu gabe eta, horrez gain, Euskal Ligako txapeldun bilakatzea.