Laugarrenean, asmatu. Aurreko jardunaldietan hurbil eduki zuen garaipena UBR taldeak, baina zoriak ez zuen Universitariorekin bat egin; hala, hirugarrenean izan beharrean, laugarrenean eskuratu zuen garaipena Unik.
Azkenean, ermitak bere taldearen lorpena ospatu ahal izan zuen.
Etxeko taldeak ondo baino hobeto hasi zuen partidua; talde osoaren lana bikaina izan zen. Lehen entsegua 8. minutuan izan zen, eta Borja Lázarok tantoa egin zuen, melearen aurrerapen handi bati esker.
Minutuek aurrera egiten zuten, eta etxeko kontrakoari. Lehen aldiaren erdian, 19-0 zegoen markagailuan, zelaian gertatzen ari zenaren isla.
Baina, aurretikoan esaten genuenez, Eibarko taldeak ez du amore ematen amaierako txistua entzun arte. Facundo Coronel argentinarrak entsegu batean tantoa egin, eta lehen tantoa lortu zuen bere taldearentzat, Bilboko jokalarien deskonexioa aprobetxatuz.
Gastónen jokalariak zelaiaz jabetzen hasi ziren. Lerroz lerro, Eibar zelaian nagusitu zen. Etxeko jokalarien zalantzez aprobetxatu ziren, puntuak eskuratzeko eta markagailuko tartea gutxitzen joateko. Atsedenaldira joan zirenerako, bi puntu beherago zeuden soilik: 19-17.
Bigarren denboraldian, berdintasun gehiago egon zen, bi taldeek gogoz bilatu baitzuten arerioaren entsegu-lerroa. Zenbait alditan, biek ala biek izan zuten aukera puntu gehiago ateratzeko.
Alabaina, UBRk atera zuen probetxu gehien. Benitok eta Sáenzek tantoa egin zuten bi entsegutan, eta, horrenbestez, tarte argia atera zuten berriz. Abantaila hori baliatuz, markagailuan zuten nagusitasunarekin jokatu zuten azken unera arte.
Erlojuak aurrera egiten zuen, eta etxeko jarraitzaileek beren taldea adoretzen zuten, bihotz emanez. Oraingoan, jokalariek ez zuten aukera galdu, eta hainbeste desiratutako garaipena lortu zuten (33-24), Avia Eibar Rt. talde borrokalariaren aurrean.
——————————————-
Ohorezko B Maila. / 4 Jardunaldia.
UNIVERSITARIO BILBAO RUGBY 33 vs AVIA EIBRA RT 24