Igande honetan, maiatzak 2, Bilbon jokatuko da Estatuko sailkatze-lehiaketen bigarren jardunaldia, Errekaldeko zelaian.
16 urtez azpikoen mailan, Atletico SS/Hernani, Gaztedi eta Uni Bilbao Rugby taldeek berriro neurtuko dituzte indarrak triangeluar batean. Talde gipuzkoarrak abantaila du sailkapenean, aurreko jardunaldian Gamarran jokatutako partidetan irabazita.
16 urtez azpiko taldeko gazteek ahalegina egingo dute hazten eta aurrera egiten jarraitzeko, duela egun batzuk Arabako hiriburuan erakutsi zutenez maila handia duten bi talderen aurrean neurtuz.
Bestalde, 18 urtez azpikoen taldeak bestelako irudia eman nahi du Hernani CRE taldearen aurka, benetan duen maila erakusteko.
Joaneko partidan kontuak ez ziren ondo atera Landare Tokin UBR taldeko kumeentzat: ez zuten lortu beren jokoa egitea, eta aurkariak gainditu egin zituen, irteeratik izandako inertzia aprobetxatuz eta aukerei etekina ateraz.
Zuazolaren jokalariak jakitun dira kanporaketa honetan Hernanikoek markagailuan duten abantailaz, baina Uni Bilbaok argi dauka duela astebete gertatutakoak ez duela talde honen benetako aurpegia islatzen; beraz, lehia ahalik eta modurik onenean egitea izango du helburu.
Errugbiko goiza 10:30ean hasiko da 16 urtez azpikoen triangeluarrarekin, eta honako hauek izango dira partiden ordutegiak eta gurutzatzeak:
-UBR vs Atlético SS/Hernani CRE – 10:30etan.
-Gaztedi RT vs UBR – 11:15etan.
-Atlético SS/Hernani CRE vs Gaztedi RT – 12:00etan.
Bestalde, 18 urtez azpikoen taldea 12:45ean aterako da berdegunera.
Partidak ateak itxita izango dira, baina UBRren Youtubeko kanaletik jarraitu ahal izango dira.
GORA UBR!!
