Larunbateko jardunaldia 18 urtez azpikoek Ordiziaren aurka Fangon jokatutako partidarekin hasi zen. Norgehiagokan, bi taldeek dena eman zuten zelaian.
Nabarmentzekoa da etxekoen defentsako lan ona, bigarren zatian gizon bat gutxiagorekin jokatu baitzuten, lehen zatiaren amaieran txartel gorria jaso ondoren. Bigarren zatian ere txartel hori bat jaso zuten, eta, beraz, jokalari bat gutxiagorekin aritu ziren zelaian hainbat minutuz. Etxekoek ondo defendatzen asmatu zuten, egoera txarragoan egon arren.
Partida kanpokoek irabaziko zutela ematen zuen, jokoaren pisurik handiena eraman eta markagailua beren alde baitzuten, baina, amaierarako zazpi minuturen faltan, guztiz kontrakoa gertatu zen. Bizkaitarrek, ekintza kolektibo handi batean, eskuzko joko bikainarekin, entsegu eta transformazio bat lortu zuten eta aurretik jarri ziren (12-7). Emaitza horrekin amaitu zen partida, eta, beraz, 18 urtez azpiko Valtecsa UBR taldeak Ordiziaren aurkako lehia bizi eta landua irabazi zuen.
Euskal Liga – Sub 18: Valtecsa UBR 12 vs Ordizia RE 7
Bestalde, 16 urtez azpikoek garaipen handia lortu zuten Lasarte/Orian Hernaniko Cristalería Viatek-en aurka.
Partida gogorra jokatu zen Michelinen zelaian, Hernanik, 14 kiderekin, azken txistua jo arte borrokatu baitzuen.
Partidaren hasieran UBR-k lehen puntuak eskuratu zituen, baina Hernani ondo aritu zen; eta bisitarien plakaketa-faltaren ondorioz etxekoak aurretik jarri ziren.
Bigarren zatian, bizkaitarrek jokoa aldatu zuten, Uni Bilbaok baloia ederki mugitzea lortu baitzuen; ondorioz, bi entsegu lortu zituen, azkenean norgehiagoka erabaki zutenak.
Partida tirabiratsua eta borrokatu honetan, bisitarien duintasuna erabakigarria izan zen.
Euskal Liga – Sub 16: Cristaleria Viatek Hernani 24 vs Universitario Bilbao Rugby 26
GORA UBR!!
(Argazkia: Nohan Alberdi)