Larunbat arratsaldean Fangon jokatu zen partida zorotzat, arrarotzat har daiteke; izan ere, bi lehiakideek entsegua lortu zuten ekintza asko akatsen ondorio izan ziren. Egoera horri probetxu gehiago atera zion Bera Berak, eta partida eskuratu eta, horrela, sailkapenaren behealdea are gehiago estutu zuen.
Partidaren hasieran, Uni Bilbaok presio handia egin zuen, eta etekina atera zion lehen konpasetan erakutsitako jarrerari, baina etxekoek eskuratutako puntu bakoitzean Bera Berak beste horrenbeste lortzen zuen.
Bi aldeek asmatu zuten batzuetan eta hutsegiteak egin zituzten besteetan. Valtecsak partidaren pisuaren zati handi bat hartu zuen azken zatian, baina Bera Berak ez zuen partidaren haria galdu, eta atsedenaldira 27-20 emaitzarekin iritsi zen, dena erabakitzeke utzita hurrengo berrogei minutuetarako.
Aldageletatik itzultzean, Donostiako taldea zorrotzago eta zuzenago aritu zen, eta markagailuari buelta ematea lortu zuen lehen ordu laurdena igaro aurretik.
Valtecsak bazekien porrotak estu-estu jarriko zuela sailkapenean, eta, beraz, ezin zuela lehian amore eman.
Etxekoek aldaketa egin zuten, markagailuari buelta eman nahian. Hiru laurdenekoen lerroaren jokoa bikaina izan zen banaketan, baina akatsak egin zituzten, batez ere harreran, azken metroetan, eta hala kareletik bota zuten egindako lana.
Valtecsa saiatzen ari zen, baina Bera Berak etekina ateratzen zien etxekoen hutsegiteei; izan ere, izandako beste zalantza baten ondoren, Bera Berak entsegua egin eta markagailuan tartea handitzea lortu zuen.
Azken minutuetan presioa egin zuten bizkaitarrek, eta aurkakoak zokoratzea lortu zuten. Bi minuturen faltan, tantoa egin eta hiru puntura jartzea (32-35) lortu zuten.
Ohorezko B Maila – Valtecsa UBR 32 vs AVK Bera Bera 35
GORA UBR!!
(Argazkiak: Daniel Atares)
Azken oldarraldietan ez zuten markagailuari buelta ematea lortu, eta amore eman zuten norgehiagoka zoro horretan, hutsegiteen ondorioz ezin izan baitzuten garaipena lortu.
Partida hau ahaztu, eta hurrengo aurkariarengan jarri behar dugu arreta: Ourense Bilboko Fangora etorriko da hurrengo jardunaldian.